Логистикадаги узилишлар оқибатида биринчи чоракда қорамол импорти 2 карра камайди. Бунга тезкор ечим топилиб, самолётда ташиладиган ҳар бир наслли қорамол учун 4 миллион сўмгача, гўшт импортида транспорт харажатининг ярмини қоплаш йўлга қўйилди.
Шу билан бирга, тадбиркорларимиз учун муқобил транспорт коридорларини ҳам кўпайтириш зарурлиги кўрсатиб ўтилди. Шу орқали иккинчи чоракда 45 минг тонна, йил якунигача жами 130 минг тонна гўшт импортини таъминлаш зарурлиги қайд этилди.
Мутасаддиларга қаерда тўсиқ бўлса, қаерда юк тўхтаб қолса, тадбиркорлар масала кўтаришини кутмасдан, онлайн мониторинг орқали оператив ечим қилиб бериш топширилди.
Ҳудудларда 478 минг гектарда озуқа экинларини экиш режалаштирилган. Лекин Наманганда озуқа ерининг 74 фоизига ҳалигача экин экилмагани, чорвада имконият катта бўлган Зарбдор, Қизилтепа ва Поп туманларида силос экиш бошланмагани, Амударё, Ғиждувон, Хонқа ва Бағдодда ҳам ишлар қониқарсиз экани кўрсатиб ўтилди. Вилоят ҳокимларига қолоқликларни бартараф этиш топширилди.
Яна 100 минг гектар экин ерини янги тизим асосида ауксионга чиқариш белгиланган. Ҳар бир кун ғаниматлиги, бу ерларни тез-тез ауксионга чиқариб, экин экиш зарурлиги қайд этилди.
Саноат плантацияси ташкил қиладиган тадбиркорларга катта имтиёз ва молиявий ресурслар берилмоқда. Вилоят ҳокимларига бу йил камида 5 тадан йирик саноатлашган мева-сабзавот плантациясини намунали қилиб ташкил этиш топширилди.
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Эрон Исроил билан алоқа қилганлиги учун юқори лавозимли амалдорни қатл қилди
“Катта жарималар бўлади”: Солиқ қўмитаси раиси умумий овқатланиш корхоналарини бизнесни бўлмасликка чақирди
