Пезешкиён: Эрон раҳбариятида бўлиниш йўқ

Масъуд Пезешкиён “Х” ижтимоий тармоғида мамлакат раҳбариятида бўлиниш борлиги ҳақидаги даъволарни рад этди.

Унинг ёзишича, Эронда “радикаллар” ва “мўътадиллар” деган бўлиниш йўқ, барча эронликлар бир халқ сифатида ҳаракат қилади.

Пезешкиён халқ ва давлат бирлиги, шунингдек олий раҳбарга тўлиқ итоат орқали ташқи таҳдидларга қарши туриш мумкинлигини таъкидлади.

Унинг сўзларига кўра, бу бирлик мамлакатга қарши “тажовузкорлар”ни ўз қилмиши учун пушаймон қилишга мажбур қилади.