"Ливерпуль" инглиз футболи учун рекорд трансферни амалга оширмоқчи

"Ливерпуль" ҳужумчи Александр Исак бўйича "Ньюкасл"га таклиф билан чиқади.

"Қизиллар" вингер Луис Диасни "Бавария"га сотишга яқин турибди - битим қиймати тахминан 75 млн еврони ташкил қилади. Инсайдер Фабрицио Романонинг маълум қилишича, мерсисайдликлар колумбиялик футболчи билан хайрлашган заҳоти Исакни қўлга киритиш бўйича фаол иш бошламоқчи. "Ливерпуль" швециялик футболчи учун рекорд нарх таклиф қилишга тайёр.

Александр Исакнинг ўзи Арне Слот жамоасига ўтишни жуда хоҳлайди ва Саудия Арабистонига кўчиб ўтиш вариантларини кўриб чиқмаяпти. Transfermarkt портали 25 ёшли ҳужумчининг нархини 120 млн еврога баҳоламоқда.