Литва ҳукумати Ташқи ишлар вазирлигининг Россия ва Беларус фуқаролари учун чекловларни яна бир йилга узайтириш, шунингдек, Болтиқбўйи республикасига келаётган беларусларни текширишни кучайтириш тўғрисидаги таклифини маъқуллади, деб хабар бермоқда Delfi Болтиқ онлайн ахборот тармоғи.
Қонун лойиҳасининг тушунтириш хатида айтилишича, Беларус фуқаролари Шенген визаси билан чегарани кесиб ўтган ҳолларда, Давлат чегара хизмати ходимлари хавфларни қўшимча баҳолашлари ва керак бўлганда батафсилроқ текширув ўтказишлари шарт.
Қонун лойиҳасида, шунингдек, чеклов чораси фойда олувчилари Россия фуқаролари бўлган юридик шахсларга, улар Литвада вақтинчалик ёки доимий пропискага эга бўлишидан қатъи назар, қўлланилиши қайд этилган.
Ўтган йилнинг баҳорида Сейм Россия ва Беларус фуқароларига қарши миллий санкциялар жорий қилган эди. Украинадаги можаро туфайли чеклов чоралари тўғрисидаги қонун лойиҳаси доимий ёки вақтинчалик яшаш учун рухсат бериш, визалар бериш тартибини қаттиқлаштирди ва Россия фуқароларининг Европа Иттифоқи (ЕИ) ташқи чегараси орқали ўтишини тақиқлади. Россия фуқароларининг Литвада кўчмас мулк сотиб олиш ҳуқуқи ҳам чекланган.
Ҳукумат чекловларни 2024 йил 2 майгача 2025 йил 2 майгача узайтиришни таклиф қилди. Ҳужжатлар тасдиқлаш учун тақдим этиладиган Сейм (парламент) ва республика Президенти Вазирлар Маҳкамаси позициясига рози бўлса, бу содир бўлади.