Мамлакат президенти Гитанас Науседа бош вазир Гинтаутас Палуцкас истеъфога чиққанини маълум қилди ва бу қарорни олқишлади, деб хабар бермоқда BNS агентлиги. Шунингдек, Палуцкас Литва Социал-демократик партияси (LSDP) раиси лавозимини ҳам тарк этади.
LRT нашрининг ёзишича, бош вазир Вилнюс шаҳар ҳокимиятига етказилган зарарни ўз вақтида қопламагани ҳамда қариндошига тегишли компаниянинг 200 минг евро имтиёзли кредит олиши билан боғлиқ можароларга аралашган.
Ўтган ҳафтада Науседа Палуцкасга жамоатчиликнинг саволларига асосли жавоб бериш ёки истеъфога чиқиш масаласини кўриб чиқиш учун икки ҳафта муҳлат берган эди.
Гинтаутас Палуцкас ўтган йил декабр ойидан бери, октябрда бўлиб ўтган парламент сайловларидан сўнг тузилган ҳукумат қасамёд қилганидан кейин, Литва бош вазири лавозимини эгаллаб келаётган эди.
Мактабларда 1 сентябрдан смартфондан фойдаланиш тақиқланади
АҚШ Конгрессига номзод Валентина Гомес Қуръонни ёқиб юборди
Россия Қуролли Кучлари "Азов" техникаларини йўқ қилди (видео)
