Литва расмийлари мамлакат ҳудудида Америка ядровий қуролларини жойлаштириш имкониятини яратиш мақсадида Конституцияга ўзгартириш киритиш масаласини кўриб чиқмоқда.
Мамлакат қонунчилигига кўра, ҳозирги кунда Литва ҳудудида оммавий қирғин қуроллари ва хорижий давлатларнинг доимий ҳарбий базаларини жойлаштириш тақиқланган. Шу боис АҚШ ядровий қуролларини қабул қилиш учун Конституцияга тегишли тузатишлар киритиш талаб этилиши мумкин.
Литва раҳбариятининг фикрича, Европа хавфсизлик муҳити кескинлашиб бораётган бир пайтда НАТОнинг тийиб туриш салоҳиятини кучайтириш муҳим аҳамиятга эга. Шу нуқтаи назардан, мамлакат ҳудудида Америка ядровий қуролларини жойлаштириш эҳтимоли муҳокама қилинмоқда.
Мазкур ташаббус амалга ошиши учун парламент томонидан конституциявий ўзгартишлар тасдиқланиши лозим бўлади. Бу масала Литва жамияти ва сиёсий доираларида кенг муҳокамаларга сабаб бўлиши кутилмоқда.
Агар қарор қабул қилинса, Литва НАТОнинг ядровий тийиб туриш тизимида янада муҳим ўрин эгаллаши мумкин. Бироқ бу қадам Россия билан муносабатларда қўшимча тарангликни ҳам юзага келтириши эҳтимолдан холи эмас.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
