Украина ва Молдова Европа Иттифоқига қўшилмоқда. Музокараларнинг биринчи босқичини расман очишга тайёргарлик бошланди.
Бу ҳақда Европа Иттифоқи Кенгашида Кипр раислигининг X ижтимоий тармоғидаги расмий саҳифасида маълум қилинди.
"Бу воқеа икки мамлакатнинг евроинтеграция йўлидаги муҳим босқични англатади ва ЕИнинг бирлиги ҳамда қатъиятининг ёрқин далилидир", — дейилади хабарда.
Киев ва Брюссел Украинанинг Европа Иттифоқига аъзо бўлиши бўйича барча музокара босқиларини экспертлар даражасида норасмий тарзда март ойининг ўрталаридаёқ очиб бўлган эди. Киев учун музокара босқичларининг расман очилишига Венгриянинг ветоси тўсқинлик қилаётганди.
Бироқ 3 июн куни мамлакат бош вазири Петер Мадяр уни олиб ташлашга тайёрлигини эълон қилди.
Унинг сўзларига кўра, Будапешт Киев билан Украинада истиқомат қилувчи 100 минг нпфар венгр миллий озчилигининг тил, таълим, маданий ва сиёсий ҳуқуқларини кенгайтириш бўйича келишувга эришган.
Мадярнинг таъкидлашича, Украинанинг бу мажбуриятлари унинг Европа Иттифоқига нисбатан ҳаракатлар режасида ҳам ўз аксини топади.
Россия Молия вазирлиги ва Марказий банк Путинни огоҳлантирди
Шаҳар ҳокими ва унинг ўнлаб ходимлари ҳибсга олинди
"ЕИнинг барча давлатлари бу мавзуда овозини ўчириши керак"
