"Ланс" ҳимоячиси Абдуқодир Ҳусанов январь ойида жамоани тарк этади. Бу ҳақда клубнинг бош директори Пьер Дреосси маълум қилди.
Жумладан у шундай деди: "Ҳусанов клубни тарк этади, аммо ҳозирча яхши таклифлар бўлмади".
Ҳусанов 2023 йил июль ойида "Ланс" жамоасига қўшилгандан бери жамоада ўзига хос ўйини билан ажралиб турди ва Европа клублари, хусусан, Англия Премьер-Лигаси жамоаларининг қизиқишига сабаб бўлди.
"Манчестер Сити" уни ўз келажаги учун иқтидорли ўйинчи сифатида кўриб чиқмоқда. Абдуқодирнинг нархи тахминан 20 миллион фунт стерлинг деб баҳоланмоқда. Ҳусановнинг ўзи ҳам катта жамоаларга ўтишга тайёр.
Январ ойидаги трансфер ойнаси давомида Ҳусанов қайси жамоага ўтишини вақт кўрсатади. Клубни қаноатлантирадиган таклиф бўлса, унинг кетиши аниқ кўринади.
«Манчестер Сити» Абдуқодир Ҳусанов учун «Ланс»га қанча пул таклиф этаётгани маълум бўлди
«Реал», «Ювентус», «Байер», «Боруссия» Ҳусановга қизиқмоқда. «Ман Сити» эса футболчининг отаси Ҳикмат Ҳошимов билан учрашди
Фабрицио Романо Абдуқодир Ҳусановнинг трансфери борасида янги маълумот эълон қилди
