Кремлда Путин ва Уиткофф учрашуви бошланди

Владимир Путин АҚШнинг бош музокарачи Стив Уиткоффни қабул қилди ва уни табассум ҳамда қўл сиқиш билан қарши олди.

Трампнинг махсус элчиси Уиткофф аввал ҳам бир неча бор Россияга ташриф буюриб, Путин билан учрашган. Икки томоннинг хабар беришича, бу учрашувлар ҳар доим илиқ ва самимий муҳитда ўтган, америкалик элчи Кремль соҳибининг меҳмондўстлигидан қайта-қайта ҳайратга тушганини таъкидлаган.

Бироқ бу сафар вазият бошқача бўлиши мумкин, чунки АҚШ президенти ҳозирда фаол ҳаракатларга ўтган ва Россияга қарши санкциялар билан таҳдид қилмоқда.