Кремль Киевни АҚШнинг тинчликпарварлик ҳаракатларини қўллаб-қувватлашни истамаётганликда айблади

Россия президенти матбуот котиби Дмитрий Песков Украина ва шахсан Владимир Зеленский можарони тинч йўл билан ҳал қилишга тайёрлик кўрсатмаётганини билдирди.

Кремль вакилининг сўзларига кўра, Киевнинг ҳаракатлари АҚШнинг тинчлик жараёнини қайта тиклашга қаратилган саъй-ҳаракатларига зид келмоқда.

Песков, шунингдек, Украина Россиянинг нефтни қайта ишлаш заводлари ва энергетика инфратузилмасининг бошқа объектларига зарба беришда давом этаётганини таъкидлади.

«Аслида, Украина томонидан ҳеч қандай мораторий бўлмаган», — деди у Россия вице-премьери Александр Новакнинг баёнотини эслатиб.

Кремльнинг таъкидлашича, энергетика объектларига зарбалар давом этаётгани Вашингтоннинг тинчлик йўли билан келишувга эришишга қаратилган уринишлари фонида Украина томонининг ҳаракатларида ўзгариш бўлмаётганини кўрсатади.