Қўлда қурилган кема Конго дарёсида ҳалокатга учради. Натижада 51 киши ҳалок бўлди, яна 69 киши бедарак йўқолган. Бу ҳақда France 24 телеканали маълум қилди.
Конго Демократик Республикаси Монгала провинцияси губернатори матбуот котиби Нестор Магбадонинг сўзларига кўра, йўқолганлар сони қайиқнинг сиғимига қараб баҳоланади. Кема бир-бирига боғлаб қўйилган пирог деб номланувчи тўққизта анъанавий ёғоч канолардан иборат эди.
Магбадонинг айтишича, 39 киши тирик қолган. Унинг сўзларига кўра, қидирув ва қутқарув ишлари давом этмоқда, лекин тирик қолганларни топиш мумкин деган умидлар сўниб бормоқда.
Воқеа сабаби тундаги "ёмон об-ҳаво" деб тахмин қилинмоқда. Вилоят ҳокимияти душанба куни уч кунлик мотам эълон қилди.
Столтенберг: “Агар Украина урушда ютқазса..."
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
