Ҳусийлар Тель-Авив аэропортига гипертовушли ракета ёрдамида зарба берди

Яманнинг “Ансор Аллоҳ” исёнчи ҳаракатидан ҳутийлар томонидан тузилган қуролли кучлар Тель-Авивдаги Бен Гурион аэропортига гипертовушли баллистик ракета ёрдамида ҳужум қилди.

Ҳаракатнинг ҳарбий вакили Яҳё Сария амалиёт "мақсадига эришган"ини даъво қилмоқда.

"Ракета кучлари ноёб ҳарбий операцияни амалга ошириб, Лод аэропортига (Бен Гурионни назарда тутади) Фаластин-2 типидаги гипертовушли баллистик ракета ёрдамида ҳужум қилди", — деди Сария "Ансор Аллоҳ" томонидан бошқариладиган Al Masirah телеканалида.