Хитойда комада бўлган 18 ёшли Цзян Чэннанга университетга қабул қилинганлиги тўғрисидаги мактуб кўрсатганидан кейин ўзига келди, деб ёзади South China Morning Post. Саккиз кун комада ётган қизга бу хушхабарни унинг отаси етказди.
Эртаси куни Цзян Чэннан ўзига келиб, қариндошлари билан видеоалоқа орқали суҳбатлашди.
Қиз 11 июль куни ҳарорати кўтарилиб, кўкрагида сиқилиш ҳисси пайдо бўлганлиги сабабли шифокорларга мурожаат қилган. Кириш имтиҳонини топшириб, шифокорлар олдига келган. Маълум бўлишича, у юракнинг яллиғланиши – фульминант миокардит билан касалланган. Бундай ташхис кўпинча ўлимга олиб келади, касалликнинг асосий сабаблари вирусли инфекциялар, стресс ва носоғлом турмуш тарзи ҳисобланади, айнан бу ҳолатда бунга нима сабаб бўлгани аниқланмади. Абитуриент комага тушганидан сўнг, унинг ҳаётини юрак-ўпка аппарати воситасида сақлаб қолишга эришилди, деб хабар беради rbc.ru.
Шифокорларнинг қайд этишича, қизнинг юрак фаолияти тўлиқ тикланган, айни пайтда унинг “уйғониши”нинг аниқ сабаби номаълумлигича қолмоқда.
Нашрнинг қўшимча қилишича, Цзян Чэннаннинг оиласи 2023 йилда отаси бахтсиз ҳодисага учраб, қарзга ботганидан кейин молиявий қийинчиликларни бошдан кечирмоқда. Онаси ҳеч бўлмаганда пул топиш учун кўча овқатларини сотишга мажбур. “Пул билан боғлиқ қандай муаммоларимиз бўлмасин, уни университетга ўқишга юбораман, чунки бу унинг орзуси”, деди қизнинг отаси.
Бола ўғрилари ушланди
Биз дунёдаги учинчи йирик иқтисодиётга айланаётган давлатмиз
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
