Америкалик физик Шон М. Кэрролл ва унинг Жонс Хопкинс университетидаги ҳамкасблари Надя Дьяченко ҳамда Саакши Дулани коинот тарихи маълум шароитларда қайта-қайта такрорланиши мумкинлиги ҳақидаги назарий гипотезани илгари сурди.
Олимларнинг математик моделига кўра, «Катта портлаш»дан кейин келажакда «Катта сиқилиш» юз бериши ва коинот яна бир бор сиқилиб, шундан сўнг янги космик цикл бошланиши мумкин. Бундай моделда коинотнинг квант ҳолати дастлабки ҳолатига қайтади.
Агар ушбу модел реал коинотга мос келадиган бўлса, унда коинот тарихи чексиз марта такрорланиши эҳтимоли пайдо бўлади. Бу эса Ер, инсонлар, ҳаётимиздаги воқеалар, суҳбатлар ва ҳатто қабул қилган қарорларимиз ҳам яна такрорланиши мумкинми, деган саволни юзага келтиради.
Бироқ олимлар бу фикрни ҳозирча илмий факт сифатида тасдиқламаган. Тадқиқотчилар фақат назарий квант моделини таклиф қилган. Коинот ҳақиқатан ҳам «Катта сиқилиш»дан кейин қайта бошланиши ёки унинг квант ҳолати айнан аввалги ҳолатига қайтиши ҳозирча номаълум.
Шу сабабли «инсон ўз ҳаётини аввал ҳам яшаган» деган хулоса ҳозирча илмий жиҳатдан исботланмаган. Гипотеза эса коинотнинг табиати, вақт ва такрорланиш ҳақида янги саволларни ўртага ташламоқда.
Нега Исроил Ўзбекистонга қизиқиб қолди?
Раъно Шодиева учун оғир жудолик
Россия УҚКнинг Дронлар қўшинлари қўмондони Роберт "Мадьяр" Бровди учун 20 миллион доллар мукофот ваъда қилди
