Клаудио Раньери: "Элдор Шомуродов муносиб ўйин кўрсатди"

"Рома" кеча Италия кубок доирасида "Милан"га қарши баҳс олиб борди (1:3).

Учрашувдан сўнг римликлар бош мураббийи Клаудио Раньери Шомуродов ҳақида фикрларини билдирди.

"Мен ундан "Наполи"га қарши кўрсатган ўйинини қилишини сўрадим. У ва Дибала бизнинг 3 та ярим ҳимоячимиздан олдинда бўлиб, уларнинг югуришларини чеклашлари орқали натижага эришишлари керак эди. Элдор "Наполи"га қарши ўйинда кўп куч сарфлади. Шу боис ўша баҳсда амалга оширган нарсасини бажара олгани йўқ. Лекин у барибир муносиб ўйин кўрсатди. Ўйиндан эътирозим йўқ",- дейди Раньери.