Килиан Мбаппе — Чемпионлар Лигасида ҳафтанинг энг яхши футболчиси

Мадриднинг «Реал» клуби ҳужумчиси Килиан Мбаппе Чемпионлар Лигасида жорий ҳафтанинг энг яхши футболчиси деб топилди. Бу ҳақда турнирнинг матбуот хизматига асосланиб SportBall24 хабар берди.

Франциялик футболчи «Манчестер Сити» дарвозасига учта гол урди (3:1) ва жамоаси 1/8 финалга йўл олди.

Мбаппе ушбу унвон учун ўтказилган овоз беришда «ПСЖ» ярим ҳимоячиси Витинья ("Брест"га қарши гол урган), ПСВ вингери Ноа Ланг ("Ювентус"га қарши баҳсда ассист берган) ва «Бенфика» хавбеки Оркун Кёкчю ("Монако" дарвозасини ишғол қилган)ни ортда қолдирди.

Жорий мавсумда Мбаппе 37 та ўйинда майдонга тушиб, 27 та гол ва 3 та ассист қайд этди.