Карло Анчелотти ва Флорентино Перес ўртасидаги алоқалар ёмонми?

Мадриднинг “Реал” клуби бош мураббийи Карло Анчелотти клуб президенти Флорентино Перес билан ҳеч қандай муаммога дуч келмаяпти.

Яқинда испан ОАВларида тарқалган маълумотларга кўра, "қироллик" клуби раҳбари италияликнинг июн ойида Бразилия терма жамоасига ўтишини маъқулламаган.

Анчелоттининг "Реал" билан шартномаси фақат келаси йилда тугайди ва "қаймоқранглилар" раҳбарияти мутахассисга клублар ўртасидаги жаҳон чемпионати олдидан кетган тақдирда товон пули тўлаш ниятида эмас.

Marca хабарига кўра, ҳозирги вазиятга қарамай, мураббий Перес билан ҳеч қандай зиддиятга эга эмас, улар ўртасида тўлиқ ўзаро тушуниш мавжуд. Айни дамда иккаласи ҳам бор эътиборларини Испания чемпионатининг учрашувларига қаратишган.