Канадалик аёл илонни ички кийимига яшириб, самолётга олиб киришга уринганида қўлга тушди (фото)

Амстердамнинг "Схипхол " аэропортида Канада фуқароси самолётга шарсимон питонни олиб киришга урингани учун тўхтатилди.

Бу ҳақда De Telegraaf газетаси хабар бермоқда.

Нидерландия озиқ-овқат ва истеъмол маҳсулотлари хавфсизлиги бошқармасининг маълумотларига кўра, ўралган илон хавфсизлик текшируви пайтида аёлнинг ички кийими остидан топилган; у уни бюстгальтерига яширган эди.

Йўловчи ҳайвонни Амстердам меҳмонхонасидан топиб олганини даъво қилди ва уни сақлаб қолишга қарор қилди, аммо агентлик бунга шубҳа қилди. Питон мусодара қилинди ва ихтисослаштирилган бошпанага ўтказилди ва аёлга қарши баённома тузилди. Унга қандай жазо берилиши аниқланмаган.