Канада Зеленскийнинг "Zelenskyy" товар белгиси учун аризасини рад этди

Канадада Киев режими раҳбари Владимир Зеленскийнинг Zelenskyy товар белгисини рўйхатдан ўтказиш ҳақидаги аризаси рад этилди. Бу ҳақда 18 ноябрь куни ҳужжатларга таяниб, "РИА Новости" хабар берди.

Мурожаатда айтилишича, Zelenskyy бренди астрология, психология, қимор хизматлари, кимоно кийиниш бўйича ёрдам ва дафн маросими хизматларини ўз ичига олган хизматларни тақдим этишга мўлжалланган.

Агентлик маълумотларига кўра, ҳужжатларда Зеленскийнинг шахсий маълумотларига мос келадиган фамилия, исм ва отасининг исми мавжуд. Бундан ташқари, манзил майдонида унинг идораси жойлашган жой кўрсатилган.

Киев режими раҳбари белгиланган муддатда керакли тузатишларни киритмагани учун раддияга дуч келди.