Камчаткадаги зилзила сабабли Японияда цунами хавфи эълон қилинди

Камчаткада содир бўлган кучли зилзиладан сўнг Япониянинг бутун Тинч океани соҳилларида цунами хавфи эълон қилинди.

Япония Миллий метеорология бошқармаси маълумотларига кўра, цунами тўлқинларининг баландлиги 1 метрга етиши мумкин, улар маҳаллий вақт билан соат 10:00-11:00 атрофида Япония қирғоқларига етиб боради. Маҳаллий аҳолини қирғоқ чизиғига яқинлашмасликка чақиришган.

Япониялик сейсмологларнинг маълумотларига кўра, Камчаткада содир бўлган зилзила кучи 8 баллни ташкил этган. Шу билан бирга, Япониянинг ўзида ҳам ер силкиниши сезилмаган.