Калифорнияда хусусий самолёт океанга қулаб тушди

Калифорния штатининг Пасифик-Гроув шаҳрида уч кишини олиб кетаётган хусусий самолёт ҳалокатга учради.

NBC хабарига кўра, одамларнинг ҳеч бири тирик қолмаган.

Beech 95-B55 Baron Тинч океани соҳилидаги Пойнт Пинос маёқчаси яқинида океанга қулаб тушди. Н8796Р рейси Сан-Карлос аэропортидан учиб, Монтерей минтақавий аэропортига йўл олган.

Ҳалокатдан кейин қидирув-қутқарув операцияси бошланди. Соҳил хавфсизлик хизмати вертолёти чақирилган.

Фавқулодда хизматлар бортдаги барча уч киши ҳалок бўлганини тасдиқлади. Соҳил хавфсизлик хизматининг айтишича, биринчи қурбон эрталаб топилган. Қолган икки жасад тушдан кейин топилган.

Самолёт бортидагиларнинг исмлари ошкор этилмаган. Ҳалокат сабаблари ўрганилмоқда. Самолёт қолдиқлари қояларга ва қирғоққа ювилиб кетди. У ҳалокат сабабини аниқлаш учун олиб ташланади.

Маҳаллий ҳукуматнинг ҳисоб-китобларига кўра, самолёт қирғоқдан тахминан 200-300 метр узоқликда сувга қулаган.