Каддафийнинг ўғли Ганнибал ҳибсдан озод қилинди

6 ноябрь куни Ливия Миллий келишув ҳукумати 2015 йилда Бейрутда ҳибсга олинган Ливия раҳбари Муаммар Қаддафийнинг (1969-2011) ўғли Ганнибал Каддафийнинг озод этилганини эълон қилди.

Бу ҳақда Lebanon 24 ахборот портали тарқатган баёнотда айтилган.

"Ливан ҳукумати Ливиянинг марҳум раҳбари Муаммар Каддафийнинг (1942-2011) ўғли Ганнибал Каддафийни ҳибсдан озод қилди ва унинг мамлакатдан чиқишига қўйилган тақиқни бекор қилди", — дейилади баёнотда.

Шунингдек, Ливан суди Ганнибал Каддафийни гаров пулидан озод қилишга қарор қилгани, аввалроқ 11 миллион доллар қилиб белгилангани хабар қилинганди.

Ливия ҳукумати Ливан президенти Жозеф Аун ва парламент спикери Набиҳ Беррига "ушбу масалани ҳал қилишда ҳамкорлик қилгани учун" чуқур миннатдорчилик билдирди.

Каддафийнинг 50 ёшли ўғли 2015 йилда у сиёсий сургунда яшаб келган қўшни Суриядан Амал жангарилари томонидан ўғирлаб кетилган ва кейин Ливан ҳуқуқ-тартибот идораларига топширилган. 2017 йилда судланувчига 1978 йилда Ливияда ғойиб бўлган шиа имоми Мусо Садр ҳақидаги маълумотларни яширганликда айбланган.