ЖССТ: "Конго Демократик Республикасида Эбола вирусидан ўлим ҳолатлари сони 177 кишига етди"

Конго Демократик Республикасида Эбола вируси билан касалланишнинг деярли 750 та гумон қилинган ҳолати қайд этилган.

Жаҳон соғлиқни сақлаш ташкилоти (ЖССТ) бош директори Тедрос Адханом Гебрейесус ижтимоий тармоқларда шундай деб ёзди.

У шунингдек, касаллик билан боғлиқ 177 та гумон қилинган ўлим ҳолати қайд этилганини маълум қилди.

"КДРдаги Эбола билан боғлиқ вазият жуда хавотирли. Ҳозирда 82 та ҳолат ва еттита ўлим тасдиқланган. Бироқ, биз КДРдаги эпидемия кўлами анча катта эканлигини биламиз. Ҳозирда қарийб 750 та гумон қилинган ҳолат ва 177 та гумон қилинган ўлим ҳолатлари мавжуд. Кузатув тизимлари ва лаборатория синовлари яхшиланиши билан бу рақамлар ўзгариши мумкин", деб таъкидлади у.

Тедрос Адханом Гебрейесус шунингдек, ЖССТ ёрдам кўрсатиш учун эпидемия маркази бўлган КДРнинг Итури шаҳрига қўшимча кучлар юборганини эълон қилди.