📉 Жаҳон соғлиқни сақлаш ташкилоти аввалги ҳисоботи орқали кейинги ўн йил давомида дунё бўйича катталар ўртасида жисмоний фаоллик даражаси 5 фоизга пасайганини маълум қилганди.
📊 Ўз навбатида, агар бу тенденция давом этса, 2030 йилгача камҳаракатлик кўрсаткичи 35 фоизгача ошиши мумкинлиги ҳам айтилганди.
👩💻 ЖССТнинг Европа минтақавий бюроси ушбу таҳлилларга асосланиб, кеча жисмоний фаоллик тарғиботига доир янги қўлланмани эълон қилди.
🏓 Ундан ўрин олган кўрсатмалар спорт машғулотлари орқали аҳоли саломатлигини мустаҳкамлашни кўзда тутади.
⚽️ Хусусан, қўлланмада ҳафтасига 150 дақиқа ўртача интенсивликдаги жисмоний фаоллик билан шуғулланиш тавсия қилинган. Ёки 75 дақиқалик кучли жисмоний фаоллик ҳам бунинг ўрнини боса олади.
🩺 Акс ҳолда, камҳаракатлик инфаркт, инсульт, 2-тур қандли диабет, деманс, кўкрак ва йўғон ичак саратони каби касалликларнинг ривожланиш хавфини оширади.
❓ Хўш, бюро тавсияларига амал қилиш орқали қандай натижаларга эришиш мумкин?
📋 Янги қўлланмада бу саволнинг жавоби ҳам акс этган.
🔎 Қайд этилишича, агар Европа ва Марказий Осиё мамлакатлари аҳолиси ҳафтасига 150 дақиқалик жисмоний фаолликка эришса, 2050 йилгача 11,5 миллионта касалланиш ҳолатининг олдини олса бўлади.
📌 Жумладан, 3,8 миллион киши юрак-қон томир хасталикларига, 400 минг нафар одам саратонга чалиниш хавфидан ҳимояланади.
💶 Қолаверса, бу орқали минтақа бўйича йилига беморлар саломатлигини тиклашга сарфланадиган 8 миллиард евро миқдоридаги харажатларни тежашга эришилади.
Николай Валуевга нисбатан қидирув эълон қилинди
Собиқ қишлоқ хўжалиги вазири Азиз Воитов ва яна 61 кишига ҳукм ўқилди
Доҳада оммавий норозилик бошланди
