Жокович Masters ATP турнирида грециялик теннисчини мағлубиятга учратди

Сербиялик теннисчи Новак Жокович Римда якунига етган Masters ATP туркумига кирувчи турнирнинг финал учрашувида грециялик Стефанос Циципасни мағлуб этди.

Жокович 6:0, 7:6 (7:5) ҳисобида зафар қучди. Учрашув 1 соат 38 дақиқа давом этди.

34 ёшли Жокович Профессионал теннисчилар уюшмаси (ATP) рейтингида пешқадамлик қилмоқда, Циципас эса бешинчи ўринда.

Жокович Masters ATP сериясининг энг совриндор иштирокчиси - у серияли турнирларнинг 38 карра ғолибига айланди. Умуман олганда, сербиялик ракетка устаси ATP мусобақаларида 87 та ғалаба қозонган, шундан 20 тасида "Катта дубулға" турнирларида ғалаба қозонган.