Жо Байден президентлик лавозимини тарк этганидан кейин илк бор омма олдида нутқ сўзлади

Ногиронлар адвокатлари, маслаҳатчилари ва вакилларининг миллий конференциясида (АCRD) нутқ сўзлаган АҚШнинг собиқ президенти, Трамп ва унинг маъмурияти ҳаракатларини кескин танқид қилди, шу билан бирга, амалдаги президентни бирор марта ҳам исми билан атамади, балки уни "бу йигит" деб атади.

"Бу маъмурият ҳокимиятга келганига юз кун ҳам бўлмасидан АҚШга шунчалик катта зарар ва вайронагарчилик келтирдики, бу одамни ҳайратда қолдирмоқда", — дея таъкидлади Байден.

Собиқ президент, асосан Оқ уйнинг ижтимоий дастурларни қисқартириш, давлат хизматчилари сонини камайтириш ва мигрантларга нисбатан чораларини кескин танқид остига олди.