Жиззах вилояти ҳокими Эргаш Салиевнинг тегишли қарори билан Нормуродова Гулнора Икромовна Жиззах вилояти ҳокимининг ўринбосари – оила ва хотин-қизлар бошқармаси бошлиғи лавозимига тайинланди.
Гулнора Нормуродова 1985 йилда Жиззах (ҳозирги Шароф Рашидов) туманида туғилган.
У мазкур тайинловга қадар Савдо-саноат палатаси Жиззах вилояти бошқармаси бошлиғининг ўринбосари лавозимида фаолият олиб бораётган эди.
Эслатиб ўтамиз: 2018 йилдан 2024 йилгача вилоят ҳокимининг ўринбосари – оила ва хотин қизлар бошқармаси бошлиғи бўлиб ишлаб келган Мухторова Назира Абдусатторовна Олий Мажлис Қонунчилик палатаси депутатлигига сайланди.
