Вишневский тиббий жарроҳлик марказининг хирург-гепатологи, тиббиёт фанлари доктори Юрий Коваленко жигар саломатлигини қандай сақлаб қолиш кераклиги ҳақида маълумот берди.
Унинг сўзларига кўра, фаол ҳаёт тарзи, мева ва сабзавотлар ҳамда ёнғоқни кўпроқ истеъмол қилиш, шунингдек, спиртли ичимликларни ортиқча истеъмол қилишдан бош тортиш ва шахсий гигиена талабларига риоя қилиш жигарнинг соғлиғини яхшилашга ёрдам беради.
Жигар касалликлари ривожланишига таъсир қилувчи асосий омиллар – вирусли инфекциялар, озиқ-овқат орқали юқадиган гелминт инфекциялари ва касалланган уй ҳайвонлари билан алоқа қилиш, юқори калорияли овқатлар, ортиқча вазн, алкогол ичимликларни истеъмол қилиш ҳамда гиёҳванд моддаларни қабул қилиш ҳисобланади.
Коваленконинг таъкидлашича, жигар касалликлари сонининг кўпайиши Б ва C вирусли гепатитга чалинган беморларнинг кўпайиши билан боғлиқ бўлиб, гиёҳванд моддаларни қабул қилиш, татуировка қилиш, қон қуйиш, органларни трансплантация қилиш, косметик воситаларни қўллаш орқали келиб чиқади.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
Қирғизистон Москванинг баёнотларидан норози
