Жезуш Роналду билан боғлиқ вазият Португалия терма жамоасига қандай таъсир қилаётгани ҳақида гапирди

Португалия терма жамоаси бош мураббийи Жорже Жезуш Криштиану Роналду билан боғлиқ вазият жамоа ичидаги муҳитга таъсир қилаётган-қилмаётгани ҳақида фикр билдирди. Мураббий, шунингдек, Миллатлар лигаси 3-турида Дания устидан қозонилган 4:2 ҳисобидаги ғалабага ҳам тўхталди.

— Қийин ғалаба... Сизга энг кўп нима ёқди ва нима ёқмади?
— Энг кўп ғалаба ёқди, албатта. Ўйиндан кейин таҳлил ўтказамиз ва ўсишни кўрамиз. Менга энг кўп нима ёқди... Сўнгги йилларда бу ерга келиб, 4:2 ҳисобида ғалаба қозонган нечта жамоа бўлганини билмайман. Бу Дания 15 йил аввалги Дания эмас. Кейин менга прессинг ҳам ёқди, у ҳам жуда маъқул бўлди. Мени аллақачон табриклашди ва Португалия жуда яхши ўйнаётганини айтишди.

— Футболчилар сизга ишонч билдиришаётганини ҳис қиляпсизми?
— Улар мен билан эмаслигини кўрсатадиган ҳеч нарса йўқ. Муҳими, биз нима қилишимиз кераклигидир. Нега бу саволни берганингизни тушунаман, ҳар хил вазиятлар бўлиши мумкин, аммо бу жамоани бўлмайди ва бизни ажратмайди.

— Барча шов-шувлар фонида бу ғалаба янада муҳим бўлдими?
— Асосийси — ғалаба қозониш! Бу мураббийнинг ҳаёти. Мураббийнинг иши шу, бу нима эканини биласиз, ҳаммасини унутинг... Бу ғалаба деб аталади.

Эслатиб ўтамиз, Криштиану Роналду бош мураббий Жорже Жезуш жамоада ҳеч қандай низо йўқлигини айтганига қарамай, Португалия терма жамоаси ихтиёрини тарк этган. Жезуш матбуот анжуманида Роналдунинг Данияга қарши учрашувни ўтказиб юбориши мумкинлигини маълум қилган эди.

Шунингдек, Португалиянинг бир қатор ОАВлари Роналду терма жамоадаги фаолиятини якунлаш ниятида эканини хабар қилган.