Жерар Пике ўз версиясига кўра "Олтин тўп"га номзод футболчилар рейтингини тузди

"Барселона"нинг таниқли собиқ ҳимоячиси Жерар Пике "Олтин тўп"ни кимга топшириши ҳақида гапирди.

Испанияликнинг фикрича, мукофот Ламин Ямалга берилиши керак, деб хабар беради Managing Barca. Пике учун иккинчи номзод - ярим ҳимоячи Педри, учинчиси - вингер Рафинья Диас. Учликнинг барчаси "Барселона" шарафини ҳимоя қилади. Собиқ марказий ҳимоячи тўртинчи ўринга "ПСЖ"нинг португалиялик ярим ҳимоячиси Витиньяни, бешинчи ўринга "Реал" ҳужумчиси Килиан Мбаппени, олтинчи ўринга эса кўпчилик соврин учун курашда фаворит деб ҳисоблаётган "ПСЖ" аъзоси Усмон Дембелени жойлаштирди.

"Олтин тўп"ни топшириш маросими сентябрь ойида ўтказилиши режалаштирилган. Номзодлар номи август ойида эълон қилинади.