Италиянинг «Сассуоло» клуби ва Австралия терма жамоаси ҳужумкор ярим ҳимоячиси Кристиан Вольпато ноқулай вазиятга тушиб қолди. The Sun нашри хабарига кўра, ўтган кечаси ҳуқуқ-тартибот идоралари ходимлари 22 ёшли футболчини тезликни оширгани учун икки марта тўхтатишган.
Биринчи марта тезликни оширгандан сўнг, Вольпато алкоголь бўйича тест топширган ва натижа салбий чиққан. Бироқ орадан бироз вақт ўтгач, Сидней полицияси ҳайдовчини яна тўхтатган — бу сафар ярим ҳимоячининг организмида кокаин моддаси аниқланган.
Вольпато тезликни оширгани учун жаримага тортилди ва унинг ҳайдовчилик гувоҳномаси ярим йилга бекор қилинди. Шунингдек, кейинги текширувлар учун футболчидан қўшимча таҳлиллар олинган.
Вольпато 2026 йилги Жаҳон чемпионатида иштирок этган эди. Австралия терма жамоаси таркибида футболчи учта ўйинда майдонга тушиб, 1/16 финалгача етиб борган.
Ҳусановнинг дўсти рекорд нархга трансфер қилинди
Беҳруз Каримов — "Лугано" футболчиси!
Фабио Каннаваро: "Терма жамоани ёшартириш ишларини олиб борамиз"
