Мамлакат Прокуратураси Кимнинг далилларни йўқ қилиш ва терговга аралашиш хавфи туфайли ҳибсга олинишини сўраганди, деди махсус прокуратура гуруҳи вакили. Махсус прокурорнинг тергови собиқ президент Юн Сок Ёлнинг турмуш ўртоғига қарши жами 16 та жиноий айбловга қаратилган.
Ким Жанубий Кореянинг ҳибсга олинган илк собиқ биринчи хоними бўлди. Унга қўйилган айбловлар кўп йиллик қамоқ жазосига олиб келиши мумкин. Ким 2009 йилдан 2012 йилгача Жанубий Кореядаги BMW дилери бўлган Deutsch Motors компаниясининг акциялар нархини манипуляция қилиш схемасида иштирок этганликда, 2022 йилги парламент сайловлари ва 2024 йилги умумий сайловларга номзодларни кўрсатиш жараёнига аралашганликда айбланяпти.
Ким, шунингдек, диний гуруҳдан бизнес манфаатларига ижобий таъсир кўрсатиш эвазига пора сифатида умумий қиймати 20 миллион вон бўлган иккита Chanel сумкаси ва олмос маржонни қабул қилганликда айбланмоқда.
Унинг турмуш ўртоғи ўтган йилнинг декабр ойида ҳарбий ҳолат жорий этганидан сўнг ишдан бўшатилган Юн Сок Ёл ҳам ҳозирда ҳибсда. Юн давлат тўнтаришига уринишда айбланиб судланмоқда, бу эса умрбод қамоқ ёки ҳатто ўлим жазосига олиб келиши мумкин.
Қаршида 150 нафар йўловчили самолёт ғойиб бўлди
Ички ишлар вазирлиги семиз ходимларни ишдан бўшатади
Австриялик олимлар вақтни орқага қайтаришни ўрганишди
