Жанубий Корея Ички ишлар ва хавфсизлик вазирлиги қурбонларга сабаб бўлган йирик ўрмон ёнғинлари туфайли мамлакатнинг учта ҳудудида табиий офат эълон қилди.
Бу ҳақда вазирлик баёнотида айтилади.
"Кўплаб ёнғинлар, жумладан, Кёнсан-Намдо провинциясининг Санчхон округидаги ёнғин натижасида етказилган жиддий зарар туфайли Ульсан метрополитан шаҳри, шунингдек, Кёнсан-Пукто ва Кёнсан-Намдо провинцияларида фалокат ҳолати эълон қилинди. Бу ёнғинни ўчириш учун барча мумкин бўлган ресурсларни сафарбар қилиш имконини беради" - деди вазирлик.
Жанубий Корея ОАВ маълумотларига кўра, ёнғинларда тўрт нафар ўт ўчирувчи ҳалок бўлган, яна олти киши, жумладан бир маҳаллий аҳоли жароҳатланган.
Yonhap ахборот агентлигининг хабар беришича, 500 киши эвакуация қилинган, 260 киши бошпанасиз қолган ва вақтинчалик бошпаналарга жойлаштирилган.
Қайд этилишича, жабрланган ҳудудларда темир йўл ҳаракати вақтинча тўхтатилган ва тезюрар автомобиль йўллари ёпилган.
Макгрегор етти йилни панжара ортида ўтказиши мумкин
Россия ҳарбийлари Украина Қуролли кучларининг қурол заводи ва аэродромига зарба берди
Эрон ТИВ вазири: "Эрон урушга тайёр!"
