Жангарилар Буркина-Фасодаги ҳарбий базага ҳужум қилиб, 50 нафарга яқин аскарни ўлдирди

Буркина-Фасо шимолидаги армия базасига ҳужум чоғида қуролланган шахслар 50 га яқин аскарни ўлдирди.

Ҳужум Бульса департаментининг (Наментенга вилояти) Дарго қишлоғи яқинидаги армия базасига қаратилган.

Бу ҳақда Associated Press (AP) агентлиги маҳаллий ҳамжамият вакилларига таяниб хабар берди.

Мавжуд маълумотларга кўра, ҳужум "Ал-Қоида" террорчилик ташкилоти билан алоқаси бор "Жамоат Нусрат ал-Ислом вал-Муслимин" гуруҳининг 100 га яқин жангариси томонидан амалга оширилган. Associated Press (AP) манбаларига кўра, террорчилар армия базасини талаган ва ёқиб юборган.