Жаҳон етакчиси роли учун АҚШга ўриндош топилди

Канада АҚШнинг ўрнига даъвогар.

Канада Қўшма Штатларни жаҳон етакчиси ролида алмаштиришга тайёр эканлигини мамлакат бош вазири Марк Карни маълум қилди. Унинг сўзларини The New York Times газетаси келтирмоқда.

"Агар Қўшма Штатлар энди етакчи бўлишни истамасалар, Канада бу вазифани ўз зиммасига олади," - деди сиёсатчи.

Унинг фикрича, АҚШ жаҳон иқтисодиётида асосий ўйинчи бўлиб келган, ишонч ва ўзаро ҳурматга асосланган иттифоқлар тузган, товар ва хизматларнинг эркин айирбошланишини қўллаб-қувватлаган 80 йиллик давр якунига етди. "Бу, шубҳасиз, фожиа, аммо айни пайтда янги воқеликдир," - дея қўшимча қилди бош вазир.

Илгари Карни АҚШ билан муносабатларнинг аввалги шакли тугагани ҳақида гапириб, Вашингтоннинг ҳимоячилик сиёсати туфайли Канаданинг иқтисодий стратегиясида туб ўзгаришлар зарурлигини таъкидлаган эди.