Суриянинг Ҳалаб шаҳри шимолидаги, Дамашқдан 360 км узоқликда жойлашган Ашрафия ва Шайх Мақсуд туманларидан курд қуролли гуруҳларини олиб чиқиш бошлангани ҳақида SANA агентлиги хабар бермоқда.
Эвакуация 1 апрель куни "демократик Сурия кучлари" (ДСК, террористик Курдистон Ишчи партияси билан алоқадор) қўмондонлиги ва Дамашқдаги ўтиш даври ҳукумати ўртасида тузилган келишув доирасида амалга оширилмоқда.
Дастлабки колонналар Сурия хавфсизлик кучлари кузатувида Фрот дарёсининг шарқий соҳили томон йўл олди.
Курдлар истиқомат қиладиган Ашрафия ва Шайх Мақсуд маҳаллалари 2012 йилдан бери курд жангариларининг назорати остида эди. 2024 йил декабрь ойида Дамашқда ҳокимият алмашганидан сўнг, янги маъмурият курдларга тинч аҳолининг хавфсизлигини таъминлаш мақсадида маълум муддат Ҳалаб шимолида қолишга рухсат берган эди.
10 март куни Суриянинг муваққат президенти Аҳмад аш-Шараа ва "SDS" қўмондони Мазлум Абди ўртасида келишув имзоланди. Унга кўра, курд жангарилари ўтиш даври ҳукуматининг қуролли кучлари таркибига киритилади.
Томонлар Сурия шимоли-шарқидаги SDS назорати остидаги ҳудудларда жойлашган барча фуқаролик ва ҳарбий объектлар, жумладан аэропортлар, тўғонлар, газ ва нефть конлари Дамашқдаги янги маъмурият тасарруфига ўтиши тўғрисида келишиб олди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
