Россия президенти Владимир Путин АҚШ билан музокаралар олиб бориш учун ўзаро келишмовчилик мавжуд бўлган музокарачиларни Саудия Арабистонига юборди. Шахсий зиддият туфайли Россия делегатлари ҳайратга тушган америкаликлар кўз ўнгида ўриндиқ талашиб жанжаллашди, деб хабар бермоқда Россиянинг "Агентлик" лойиҳаси.
Нашр маълумотларига кўра, дастлаб Саудия Арабистонига фақат ташқи ишлар вазири Сергей Лавров ва Путиннинг ёрдамчиси Юрий Ушаковнинг бориши режалаштирилган эди. Бироқ, Россия президенти кутилмаганда делегация таркибига ўзининг махсус вакили Кирилл Дмитриевни қўшди, аммо бу ҳақда Лавровга хабар берилмади.
Нашрнинг таъкидлашича, Лавров "ғазабга миниб", Дмитриевга музокаралар хонасида ўриндиқ беришни рад этган. Америкаликлар бу ҳолатни тушунмай кузатиб туришган.
Манбаларга кўра, Лавров ўриндиқни столдан суриб, шундай деган: "Агар у (Дмитриев) иштирок этмоқчи бўлса, Владимир Владимирович бу ҳақда шахсан менга айтсин." Шундан сўнг Дмитриев журналистлар билан суҳбатлашиш учун залдан йўлакка чиқиб кетган.
"Ҳамма Путиннинг олдига биттадан боради ва у ҳар бирига турли нарсаларни айтади. Шу сабабли ҳам ҳеч ким музокараларда Россиянинг талабларини аниқ ифодалай олмаяпти," - дея таъкидлайди нашрнинг суҳбатдоши.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
