Изсиз диктатор! Ким Чен Ин Пекинга шахсий ҳожатхонасини ҳам олиб келган

Пекиндаги учрашувдан сўнг Шимолий Корея етакчиси Ким Чен Индан умуман из қолмаслиги учун ҳамма нарса қилинди. Путин билан учрашгандан сўнг Шимолий Корея диктаторининг икки ходими у қўл теккизган ҳар бир нарсани эҳтиёткорлик билан артди, ҳатто унинг шахсий ҳожатхонаси ҳам поезд билан Пекинга олиб келинди.

Бундай хатти-ҳаракатнинг изоҳи бор — разведка идоралари гўёки Кимнинг соғлиғи ҳақида ДНК излари, териси ёки сочидан маълумот олиши мумкин, деб ёзади "Reuters".

Нашрнинг қайд этишича, бундай чоралар Ким Чен Иннинг отаси Ким Чен Ир давридан бошлаб стандарт протокол ҳисобланади.