Италия ўт ўчирувчилари бир неча кундан бери Тоскана вилоятида давом этаётган йирик ўрмон ёнғинига қарши курашмоқда. Кучли шамол оловни янада кенгайтиргани сабабли 3000 га яқин киши хавфсиз жойларга кўчирилди.
Сешанба куни бошланган ёнғин Лукка ва Пиза провинциялари чегарасидаги Фаэта тоғида 800 гектар майдонни қамраб олди. Сан-Джулиано-Терме шаҳри мэрининг RAI телеканалига маълум қилишича, зайтун дарахтларининг кесилган шохларини ёқиш вақтида олов назоратдан чиқиб кетгани ёнғинга сабаб бўлган бўлиши мумкин.
Тоскана ҳудуди президенти Эудженио Жанининг таъкидлашича, тун давомида эсган кучли шамол ёнғинни янада кучайтирган, шу сабабли эҳтиёт чораси сифатида аҳолини эвакуация қилишга қарор қилинган. Ҳозирда ердаги гуруҳларга кўмак бериш учун сув ҳавзаларидан сув олиб сепувчи учта Canadair самолёти жалб этилган.
Лукка мэри ўринбосари Фабио Барсантининг сўзларига кўра, ёнғин ҳамон жуда фаол ва вазият шамол йўналишига боғлиқ бўлиб қолмоқда, шу сабабли ҳозирча аниқ маълумот беришнинг имкони йўқ.
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
