Италиянинг Дамашқдаги элчихонасига қуролли шахслар ҳужум қилди

Италиянинг Дамашқдаги элчихонасига қуролланган шахслар ҳужум қилди. Босқинчилар дипломатнинг қароргоҳидаги учта автомобилни олиб кетишган.

Мамлакат ТИВ раҳбари Антонио Таяни баёнотига кўра, бугун қуролланган гуруҳ Дамашқдаги Италия элчихонаси боғига бостириб кириб, қурол билан қўрқитиб, учта хизмат машинасини олиб чиқиб кетган. Воқеа мухолифатчи кучлар шаҳарни эгаллашганини эълон қилгандан сўнг юз берган.

Вазирнинг айтишича, босқин пайтида элчи ҳамда қароргоҳни қўриқлаётган карабинерлар жабрланмаган.