Италия клуби банкрот деб эълон қилинди ва профессионал лигалардан четлатилди

"Брешия" Италиянинг барча профессионал лигаларидан четлатилди.

"Sky Sport Italia" нашри маълумотига кўра, клуб хўжайини Массимо Челлино клуб ишчиларига тўланиши керак бўлган 3 миллион евро қарзни тўлай олмайдиган бўлди. Бу эса клубни банкрот деб эълон қилинишига ва ҳаваскорлар лигасига тушириб юборилишига сабаб бўлди.

"Брешия" 1911 йилда ташкил топилган бўлиб, шу пайтда қадар энг юқори лигада 23 мавсум ўтказган. Сўнгги марта жамоа 2019/20 йилги мавсумда А Серияда кўриниш берди.