Италия ҳукумати томонидан ишлаб чиқилган режа, бош вазир Марио Драги қандай қилиб мамлакатни чуқур таназзулдан олиб чиқишга умид қилаётганини кўрсатди. Европа Иттифоқининг пандемиядан тикланиш жамғармасининг 221 миллиард евро (266 миллиард доллар) маблағлари эвазига амалга ошириладиган чора-тадбирлар, яшил иқтисодиёт қуришга қаратилади. Айни пайтда, маблағларнинг тахминан 40 фоизи мамлакатнинг кам ривожланган жанубий қисмига йўналтирилади. Ушбу режа ҳали Италия парламенти томонидан тасдиқланмаган.
Яшил иқтисодиёт - бу экологик хатарларни ва экологик танқисликни камайтиришга қаратилган ҳамда атроф муҳитни зарарламасдан барқарор ривожланишга йўналтирилган иқтисодиётдир.
