«Истиқлол»нинг ўзбек ҳимоячиси йиғин пайтида жароҳат олди

Ўзбек ҳимоячиси ва «Истиқлол» жамоасининг янги футболчиси Рустам Ашурматов жамоанинг Туркиядаги йиғинларидаги пайшанба кунги машғулотда нисбатан жиддий жароҳат олди ва тиббий ёрдамчилар кўмагида майдонни тарк этди.

У зудлик билан тиббий кўрик, жумладан МРТ текшируви учун шифохонага олиб кетилди.

Текширувнинг якуний натижалари ҳали эълон қилинмади, бироқ дастлабки баҳолашларга кўра, у бир неча ҳафта майдондан четда қолиши эҳтимоли бор-деб хабар бермоқда Эрон нашри Khabar Varzeshi.