Шайх Тамим бин Ҳамад Ол Соний бу баёнотни Исроилнинг Доҳадаги ҲАМАС делегацияси аъзоларига қарши содир этган ҳужумидан сўнг чақирилган Ислом ҳамкорлик ташкилоти ва Араб давлатлари лигасининг фавқулодда қўшма саммитида билдирди.
"Доҳада содир этилган бу ҳужум нафақат мамлакатимизга, балки бутун минтақанинг хавфсизлигига йўналтирилган. Исроилнинг бу ҳужуми ҳарбий жиноят бўлиб, у араб дунёсига қарши йўналтирилган. Биз суверенитетимизни ҳимоя қилиш учун зарур бўлган барча чораларни кўрамиз", — деди Қатар раҳбари.
Амир, шунингдек, Исроилнинг Ғазога қилинган зарбалари “геносидга айланганини” айтди ва Тел-Авивни тинчлик музокараларини бузишда айблади.
"Агар Исроил ҲАМАС сиёсий раҳбариятини йўқ қилмоқчи бўлса, нима учун улар билан музокара олиб боради? Исроил музокараларни бузмоқчи. Ким барқарор ва тизимли равишда музокара олиб бораётган тарафни нишонга олса, у музокараларни бузишга хизмат қилади", — деди Шайх Тамим бин Ҳамад Ол Соний.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Ўзбекистонга қайтаётган бебаҳо мерос
