Исроилнинг Эронга ҳужумидан сўнг АҚШ ўз ҳарбий кемаларини Яқин Шарққа юбормоқда

Бу ҳақда Associated Press хабар бермоқда.

"Қўшма Штатлар Исроилнинг Эронга уюштирган зарбаларига жавобан Теҳрон томонидан эҳтимолий қарши ҳужум ҳаракатларига тайёргарлик кўриш мақсадида Яқин Шарқ минтақасига ҳарбий ресурсларни, жумладан, ҳарбий кемаларни юборди", деб хабар бермоқда агентлик икки нафар америкалик расмийга таяниб.

Манбаларга кўра, АҚШ ҳарбий-денгиз кучлари USS Thomas Hudner эсминецини Шарқий Ўрта ер денгизи томон йўллаган. Шунингдек, яна бир эсминец минтақа томон ҳаракатлана бошлаган.