Исроилнинг дрон ҳужуми натижасида "Ҳизбуллоҳ"нинг икки нафар аъзоси ҳалок бўлди

Исроил ҳарбий-ҳаво кучларининг дронлари Ливан жанубидаги Ятер шаҳрига ҳужум қилиб, "Ҳизбуллоҳ" ташкилотининг икки аъзосини ўлдирди.

Бу ҳақда Janoubia ахборот портали хабар бермоқда.

Янгиликлар порталининг ёзишича, ҳалок бўлган жангчилардан бири дрон ракета отган машинани бошқарган, иккинчиси эса мотоциклни бошқарган.

Исроил армияси матбуот котиби Авихай Эдри, араб тилидаги Х ижтимоий медиа сайтида эълон қилган баёнотида, ҳаво ҳужумидан мақсад Радван командо бўлинмаси аъзоларини йўқ қилиш эканлигини айтди.