Франция Путиннинг Макрон билан музокараларга тайёрлигини ижобий баҳолади

Бу ҳақда Le Monde нашри мамлакат президенти маъмурияти баёнотига таяниб хабар бермоқда.

"Франция президенти маъмурияти Россия президенти Владимир Путиннинг ҳамкасби Эммануэл Макрон билан музокараларга тайёргарлик кўриш ҳақидаги таклифини олқишлашга лойиқ деб топди ва буни қандай амалга ошириш мумкинлиги ҳақида яқин кунларда маълум қилади", дейилади Елисей саройи баёнотида.

Шу билан бирга, Франция президенти маъмурияти Москва билан ҳар қандай музокаралар Украина президенти Владимир Зеленский ва европаликлар билан тўлиқ шаффофлик асосида ўтказилишини ҳамда бунинг мақсади украиналиклар учун мустаҳкам ва узоқ муддатли тинчликъка эришиш эканини билдирди.