Исроил миллий дзюдо жамоаси хавфсизлик бўйича кўрсатма ортидан Тошкентда ўтаётган халқаро «Grand Slam» турнирида иштирокни тўхтатиб, Ўзбекистонни зудлик билан тарк этди.
Маълум қилинишича, қарор Исроилнинг ички хавфсизлик хизмати – «Shin Bet» томонидан берилган кўрсатма асосида қабул қилинган. Бу ҳолат Эронга қарши бошланган «Operation Roaring Lion» амалиётидан кейин минтақада кескинлик кучайган бир пайтга тўғри келди.
Делегация таркибида Олимпиада кумуш медали совриндори Ратц Хершко ва миллий жамоа аъзоси Гили Шарир ҳам бор эди. Жамоа 2026 йилги мавсумнинг илк йирик стартларидан бири саналган Тошкент «Grand Slam» мусобақасида қатнашиш учун келганди.
Тошкент турнири йил бошидаги муҳим рейтинг очколарини тақдим этувчи нуфузли мусобақа ҳисобланади ва халқаро тажриба тўплаш имконини беради.
Кўрсатмага мувофиқ, спортчилар ва Исроил дзюдо ассоциацияси раҳбари Моше Понте мусобақада иштирокни дарҳол тўхтатиб, мамлакатни тарк этишга чақирилган. Жамоа буйруққа амал қилиб, Марказий Европадаги манзилига учиб кетган.
Ҳозирча Исроил дзюдо ассоциацияси расмий баёнот бермади.
ЙПХ инспекторини уриб кетган 10-синф ўқувчиси “Шуҳрат” медали соҳибининг эркатой набираси экани маълум бўлди
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон олий раҳбари телевидение орқали мурожаат қилади
