FIFA президенти Жанни Инфантино CNBC телеканалининг "Invest in America" форумида чиқиш қилиб, "Эрон жамоаси 2026 йилги Жаҳон чемпионатида қатнашади", бу аниқ, деб баёнот берди.
"Умид қиламизки, ўша вақтга келиб вазият, албатта, тинч бўлади. Аввал айтганимдек, бу шубҳасиз ёрдам берган бўларди. Лекин Эрон келиши шарт. Улар ўз халқи номидан чиқишади. Улар саралашдан ўтишди. Футболчилар иштирок этишни хоҳлайди", — деди Инфантино.
Бу йилги Жаҳон чемпионатига АҚШ, Мексика ва Канада мезбонлик қилади ва турнир 11 июнда бошланади. Эрон терма жамоаси гуруҳ босқичидаги барча учта ўйинини Қўшма Штатларда ўтказиши керак (FIFA ушбу ўйинларни Мексикага кўчириш ҳақидаги таклифни рад этди). Март ойи ўрталарида Эрон Спорт вазири мамлакат терма жамоаси турнирда иштирок этмаслигини айтган эди.
Март ойи охирида эса Инфантино жамоанинг Туркиянинг Анталия шаҳридаги машғулот йиғинига ташриф буюрганди.
"Улар чемпионатда қатнашиши лозим — спорт сиёсатдан ташқарида бўлиши керак. Албатта, биз Ойда эмас, Ер сайёрасида яшаяпмиз. Аммо агар ҳеч ким бошқа давлатлар ўртасида кўприклар ўрнатиш ва уларни сақлаб қолиш кераклигига ишонмай қўйган бўлса, биз айнан шу иш билан шуғулланамиз", — дея қўшимча қилди FIFA раҳбари.
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
