Бу ҳақда Фаластин Озодлик Ташкилоти қошида фаолият юритувчи Маҳбуслар ва озод қилинганлар ишлари бўйича комиссия ва Фаластин асирлари жамияти қўшма баёнотида айтилади.
Баёнотга кўра, Исроил ҳарбийлари 25-март куни кечқурундан то тонгга қадар Ғарбий Соҳилнинг бир қанча шаҳарларида рейдлар ўтказган, улар давомида камида 20 нафар фаластинлик, жумладан собиқ маҳбуслар қўлга олинган.
Ҳужжатда, шунингдек, Исроил армияси Ғарбий Соҳил шимолида жойлашган Женин ва Тулкарм шаҳарларига бир неча ҳафтадан бери ҳужумларини давом эттираётгани қайд этилган.
Ушбу операциялар давомида оммавий ҳибсга олиш ва жойида сўроқ қилиш ишлари олиб борилади. Бундан ташқари, кўплаб фаластинлик оилаларнинг уйлари фаластинликлар гаровга олинган ҳарбий штабга айлантирилмоқда.
19-январ куни Ғазо секторида ўт очишни тўхтатиш келишувининг кучга кириши ортидан, Исроил 21-январ куни ишғол остидаги Ғарбий Соҳил шимолидаги қочқинлар лагерларида кенг кўламли операция бошлади.
Операция натижасида кўплаб фаластинликлар ҳалок бўлди, яна юзлаб одамлар ҳибсга олинди.
Сурхондарёда помидорни шпаклёвкага "айлантиришди"
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ мудофаа вазирининг қўлида арабча ёзилган татуировка борми?
